November 27, 2021

Sunaulo Nepal TV

Just another WordPress site

बलिउड अभिनेता अमिताभ बच्चनलाई आयो यस्तो धम्कि, घरमा कुकुर स्क्वाड र स्थानीय पुलिस तैनाथ गरियो

एजेन्सी । बलिउड मेगास्टार अमिताभ बच्चनको घरमा सुरक्षा कडा बनाइएको छ। सुरक्षामा कडाइ मुम्बई पुलिसद्वारा प्राप्त बमको जानकारीपछि गरीएको जनाइएको छ। एक वरिष्ठ पुलिस अधिकारीले मुम्बईका तीन प्रमुख रेलवे स्टेशनहरुमा पनि सुरक्षा कडा पारिएको जनाएको छ। खोजीका क्रममा अहिलेसम्म शंकास्पद वस्तु केही नभेटिएको जनाइएको छ।

त्यहाँका पुलिस अधिकारीले मुम्बई पुलिसले मुख्य नियन्त्रण कक्षमा शुक्रवार राती एक फोन आएको र बम छत्रपति शिवाजी महाराज टर्मिनस (सीएसएमटी), भायखला, दादर रेलवे स्टेशन र अभिनेता अमितभ बच्चनका जुहूस्थित घरमा राखिएको जानकारी पाएको बताएको छ ।

पुलिस अधिकारीका अनुसार फोन प्राप्त भएपछि, सरकारी रेलवे पुलिस, रेलवे सुरक्षा बल, बम डिटेक्शन र डिस्पोजल स्क्वाड, कुकुर स्क्वाड र स्थानीय पुलिस कर्मचारीहरुसंगै ती स्थानहरुमा पुगेर खोजी अभियान चलाएको छ।

अहिलेसम्म ती स्थानहरुमा केहि शंकास्पद नभेटिएको बताइएको छ, तर त्यहाँ भारी पुलिस तैनाती गरिएको जनाइएको छ। यसबारे थप अनुसन्धान भैरहेको पुलिस अधिकारीले बताएको भारतीय मिडियामा खबर छ ।

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.